I Juander: Saan nagmula ang pagkain ni Juan ng laman loob?

I JUANDER: SAAN NAGMULA ANG PAGKAIN NI JUAN NG LAMAN LOOB?
I JUANDER
Airing date: February 27, 2013
 
Madalas ang gustong nilalantakan ni Juan ang mga putaheng katakam-takam at ‘yung amoy pa lang, ulam na! Pero may ibang sangkap na raw na kinahuhumalingan si Juan -- ang mga laman loob ng iba’t-ibang mga hayop?!
 
I Juander, saan nga ba nagmula ang pagkain ni Juan ng mga laman loob?
 
Sa Ilokos, ang mga pinagmamalaking putahe na PAPAITAN, SINANGLAW, IGADO at DINARDARAAN, lahat mula sa laman-loob!



Sa Dagupan naman, dinarayo rin ang mga putaheng laman-loob tulad ng PIGAR-PIGAR, KALESKES, at maging bagoong na gawa sa bituka ng bangus?!
 
I Juander, bakit nga ba lubusang patok sa mga taga-Norte ang mga laman-loob?
 
At pati laman-loob ng makamandag na cobra, hindi na rin pinatawad ni Juan! Ligtas kaya itong kainin?
 
At sa isang social experiment, ipinatikim namin ang iba’t-ibang laman loob sa bayan ni Juan. I Juander, pumatok pa rin kaya ito o bumaligtad na kaya ang kanyang sikmura?!
 
Kuwentong nakakatakam... huwag palapagpasin sa isa na namang pagpasada kasama sina Susan at Cesar! Alamin natin kung saan nagmula ang pagkain ni Juan ng laman-loob, dito lang sa I Juander tuwing alas-8 ng gabi sa GMA NEWSTV 11.