Ang ikatlong SONA ng Pangulo, susuriin sa 'Brigada'

BRIGADA
July 24, 2018
8 PM sa GMA News TV

SONA

Isa sa mga ibinida ni Pangulong Rodrigo Duterte sa katatapos lang niyang SONA o State of the Nation Address sa taong ito ang mga hakbang ng pamahalaan para mapaunlad ang ekonomiya at gawing komportable ang buhay ng bawat Pilipino. 

Pero tila kabaligtaran daw ang nararanasan ng mga ordinaryong mamamayan na naiipit ngayon sa maliit na kita at nagtataasang presyo ng mga bilihin. Inalam ni Bam Alegre kung ano ang pananaw ng publiko sa nagdaang SONA ng pangulo.

ARROCEROS PARK

“Huling baga ng Maynila” ang bansag sa Arroceros Forest Park, isang mahigit dalawang ektaryang lupain sa magulo at maingay na lungsod ng Maynila na kahit pa sa paglipas ng mahabang panahon ay nananatiling luntian at hitik sa kasaysayan. 

Sa kabila ng mga usap-usapang planong pagbabago nito, may mga indibidwal at grupo pa ring nagsisikap na mapreserba ang natural nitong ganda at halaga nito sa kalikasan. Tinuklas ni Victoria Tulad ang natatagong ganda at yaman ng Arroceros Forest Park.