Mga biktima ng paputok ngayong Bagong Taon, tampok sa 'Brigada'

MADUGONG SALUBONG 2016

 

Sa pagpasok ng 2016, halos apat na raang kaso ng firecracker-related injuries ang naitala ng mga awtoridad. Kasama rito ang insidente ng pagkamatay ng isang lalaki matapos masabugan ng ubod ng lakas na Goodbye Philippines noong kasagsagan ng pagdiriwang ng pagsalubong sa bagong taon. Kailan pa nga ba matututo ang mga Pilipino na umiwas sa mapaminsalang mga paputok na sakuna ang hatid imbes na swerte? Inimbestigahan ito ni Ian Cruz pati na ang kaugnay na perwisyong hatid ng mga ligaw na balang pinakawalan noong bagong taon.

NEW YEAR BABIES
Natatanging biyaya ang pinaniniwalaang kaakibat ng pagkakaroon ng new year babies o mga sanggol na ipinanganak sa saktong pagpatak ng unang araw ng bagong taon. Simbolo kasi ito ng bagong simula at panibagong pag-asa sa buhay nating puno ng pagsubok. Pero para sa bansang patuloy na lumalaki ang populasyon, anong kinabukasan kaya ang naghihintay para sa mga new year babies na ito? Kinumusta ni Love Añover ang ilang inang mapalad na biniyayaan ng kani-kanilang mga anghel sa pagpasok ng bagong taon.