Kakulangan ng mga bike lane sa Metro Manila, tatalakayin sa 'Brigada'

BRIGADA

Martes, Abril 28

8 PM sa GMA News TV

 

 

TULAY NG BUHAY

Ulat ni Chino Gaston




 

Dalawang siklista ang namamatay kada linggo dahil sa tila pakikipagpatintero nila sa mga sasakyan sa lansangan. Kahit pa may kakulangan sa mga ligtas na bike lane sa Metro Manila, mas pinipili pa rin ng ilan nating mga kababayan na araw-araw makipagsapalaran sa pagbibisikleta papasok sa trabaho para lang makatipid sa pamasahe. Sinubukan ni Chino Gaston ang mga pinagdaraanang pagsubok ng mga siklistang bumabagtas sa kalsada.

 

 

PAGSUBOK NI DINGDONG

Ulat ni Tricia Zafra




 

Kahit pa may kakaibang kondisyon, pinipilit ng siyam na taong gulang na si Dingdong na mamuhay nang normal. Madalas kasi siyang nahihiyang makihalubilo sa ibang mga tao dahil sa kanyang Barber Say syndrome, isang genetic disorder kung saan hindi normal ang pagkakabuo ng iba't ibang parte ng kanyang mukha't katawan. Pero sa kabila nito, nakita ni Tricia Zafra kung paano napapawi ng mga simpleng kaligayahan ni Dingdong ang kanyang mga problema.