INFOGRAPHIC: Pagtubog ng ginto

Nitong Enero noong nahuli ang walong diumanong miyembro ng “Acetylene Gang.” Modus ng grupong ito ang maghukay sa ilalim ng lupa para marating ang mga sanglaan na kanilang pagnanakawan.

Sa pagsisiyasat ni Oscar Oida, natuklasan niyang tubong Benguet ang ilang miyembro ng “Acetylene Gang” at dating minero ang ilan sa kanila. Ayon sa kapulisan, maaaring ang kakarampot na kita sa minahan ang nagtulak sa mga minero para lumuwas ng Maynila at sumali sa modus na ito.

Sa pagbisita ng “Brigada” sa Benguet, nakilala ng programa si Eddie Nattem. Dalawampung taon na siyang nagtatrabaho sa minahan. Sinamahan ng “Brigada” si Mang Eddi sa minahan at inalam kung paano tinutubog ang mailap na ginto.