White Christmas sa Pinas sa 'Brigada'

Hindi simpleng kaso lang ng murder ang naganap na pagpaslang sa modelong si Julie Ann Rodelas. Ang itinuturing kasing suspek ng pulisya, ang sinasabing "frenemy" o kaibigan pero matinding karibal nito na si Althea Altamirano. Inalam ni Saleema Refran ang puno't dulo ng mga lihim sa kasong ito.

 

Basta may mga gulo o away, lalo na sa mga pampublikong lugar, asahan nang makiki-uzi ang mga Pilipino! Pero ano nga ba ang kadalasang dahilan ng mga pinag-aawayan ng ating mga kababayan? Naglibot si Marisol Abdurahman sa bara-barangay hindi lang para makiusyoso pero para rin alamin kung nareresolbahan ba sa mapayapang paraan ang idinudulog ditong mga alitan.  

 

Mahigit isang buwan na lang Pasko na! Kaya patok na patok na naman ang iba't ibang mga atraksyong naglalayong maiparanas sa ating mga Pilipino kung paano nga ba ang Paskong may snow! Sa pagdayo ni Dano Tingcungco sa mga ito, ipapa-experience sa atin ni Dano kung ano nga ba ang pakiramdam ng isang White Christmas.  

Sa pangunguna ni Ms. Jessica Soho patuloy nating bantayan ang mga isyu ng bayan ngayong Lunes, alas-otso ng gabi sa GMA News TV Channel 11. Dahil lahat tayo kasama sa iisang Brigada!