Panloob at Panlabas na Ka-gwapuhan! 

BEST MEN PRESENTS: Panloob at Panlabas na Ka-gwapuhan!       

September 17, 2012 Lunes, 10:30PM GNTV 11   BAYANING KUTSERO Isa na namang kalahi ng Best Men ang nagpamalas ng pambihirang katapatan at kabayanihan! Siya ay ang kutsero sa Luneta na si Jaime Cabillo Mayol na nagsauli ng pitaka ng isang French National na naglalaman ng 4,000 Euro!

Hindi makapaniwala ang turista sa ginawang kabutihan ng ating kababayan kaya naman napayakap na lang daw ito sa kanya! Bakit nga ba ganun na lang ang paghanga nating mga Pilipino sa mga lalaking kinakikitaan ng katapatan?

Bibigyang pugay ng Best Men ang bagong bayaning kutsero at ang iba pa niyang mga katangian na sumisimbolo sa isang Matuwid na Adan!  

6-PACK ABS LOLO Sa Pinoy style ng payabangang usapan, madalas nating sabihin - "Wala 'yan sa lolo ko!" At dito nga sa nakilala naming kakaibang lolo, mukhang itataob niya lahat ng mga lolo sa buong bansa! Kahit isa na siyang senior sixty-zen sa edad na 63, nagawa pa rin ni Lolo Bernie na mapanatiling maganda ang hubog ng kanyang katawan lalong lalo na ang kanyang mga pandesal sa tiyan! Kung akala natin ay para sa mga binata at nagbibinata ang pagkakaroon ng six pack abs, nagkakamali kayo riyan! 

Maniwala man kayo o hindi, lahat daw ng mga lalaki ay may 6-pack abs! Pero kung natural sa mga lalaki ang pagkakaroon nito, anuman ang edad, bakit hirap na hirap ang karamihan na palabasin ang kanilang mga pandesal sa tiyan? Para masagot ang katanungang 'yan, kikilalanin rin ng iba pang Best Men na kapupulutan ng tips sa pagkakaroon nila ng 6-pack abs. At ang kanilang matinding mga exercise routine, malampasan kaya ng Best Men host na si Jun V! Ang mga sikreto para sa mala-Adonis na katawan at pagkilala sa isang Matuwid na Adan ang hatid ng Best Men ngayong Lunes, 1030pm, sa GMA News TV channel 11! The Best ang Monday, dahil ito ay Best Men day!