Social distancing, hindi nasunod sa ilang pamilihan sa Sabado de Gloria

Hindi nasunod ang social distancing nang dagsain ng mga tao ang Balintawak at Munoz market sa Quezon City nitong Sabado de Gloria.

Dikit-dikit pa rin ang mga mamimili sa Balintawak Market sa gitna ng ipinatutupad na Enhanced Community Quarantine, ayon sa ulat ng 24 Oras Breaking News bulletin.

Hindi pa rin naoobserbahan ang social distancing kabila ng mga paalala ng mga awtoridad na nakabantay sa lugar.

Nagsidagsa rin ang mga mamimili sa Munoz Market.

Dahil sa sitwasyon, nag-ikot ang pulisya sa mga naturang palengke para sawayin ang mga tao.

Nilimitahan din ng mga awtoridad ang pagpapapasok. — Jamil Santos/DVM, GMA News