Mga aso, naging abay sa kasal sa Batangas City

Cute na naglakad sa altar ang mga alagang aso na naging bahagi ng entourage sa isang kasal sa Batangas City.

Sa ulat ng GMA Regional TV Balitang Southern Tagalog, na iniulat din sa Unang Balita nitong Huwebes, mapapanood ang fur babies nina Arghie at Deanne Rose habang may dalang basket at ring pillow.

Parte ng bubuuing pamilya nina Arghie at Deanne Rose ang mga asong may breed na Maltese at German Shepherd, na kasama rin sa invitation at prenup video.

Ayon sa couple, ang mga alagang aso nila ang simbolo at saksi ng sinseridad ng kanilang kasal.

Para maging tahimik ang kanilang fur babies sa araw ng kasal, ineensayo sila nina Arghie at Deanne Rose.—Jamil Santos/AOL, GMA Integrated News