Sa loob ng halos 30 minuto, nagdulot ng takot sa mga tao sa kalsada ang isang toro na nakakawala sa arena at nagwala sa Ayacuchon, Peru.
Sa video ng GMA News Feed, sinabing nangyari ang insidente nitong Miyerkules, July 26, na ikinasugat ng lima katao at nadamay din ang ilang sasakyan.
Isang babae ang hindi kaagad nakatakbo palayo ang tumilapon matapos siyang suwagin ng toro.
Mabuti na lang at kaagad din siyang iniwan ng toro at hindi na binalikan para suwagin muli.
Ang ibang tao, kaniya-kaniya sampa rin sa bakod para makaiwas sa toro.
Pagkaraan ng 30 minuto, napagtulungan naman ng mga tao at awtoridad para mahuli ang toro.--FRJ, GMA Integrated News
