Naperwisyo ng brownout ang ilang lugar sa Lebak, Sultan Kudarat, dahil umano sa isang tuko, ayon sa ulat ng Unang Balita nitong Lunes.
Nakita raw ng mga taga-Sultan Kudarat Electric Cooperative ang isang tuko na nakadikit sa linya ng kuryente.
Naibalik ang supply ng kuryente matapos daw tanggalin ang tuko sa linya ng kuryente.
Ilang beses na raw nangyayari ang ganitong insidente at kung minsan daw ay ahas, ibon o daga ang dumidikit sa main line na nagiging sanhi ng brownout. —KBK, GMA News
