Hiwalay na ang internet sensations na sina Jeraldine at Josh Blackman, ng Blackman family.
Emosyonal itong inilahad ni Jeraldine sa Instagram post. Aniya, nananatili silang magkaibigan ni John, at magkatuwang pa ring itataguyod ang mga anak nilang sina Jette at Nimo.
"I have been trying to find the right time, when I'm gonna get the courage for me to post this one online," saad sa video post ni Jeraldine, isang Pinay.
"Josh and I have separated. We're good friends. I just know that he is a good person and he is the best father that Jette and Nimo could ever have," dagdag niya.
Nagpasalamat si Jeraldine sa lahat ng sumusuporta sa Blackman family, at humingi siya ng paumanhin sa nangyari sa kanila ni Josh.
"I'm so sorry. We have a lot of you guys who love us. Thank you for all the support for the last three years. It's been amazing. It's been one of the best," ani Jeraldine. "Thank you for loving the Blackman family."
Nakabase sa Sydney, Australia ang Blackman family na kinagiliwan ng netizens dahil sa kanilang wholesome family content sa social media.
Nitong nakaraang taon lang, pumirma ng kontrata sa Sparkle ang pamilya. -- FRJ, GMA Integrated News
