Sikat ang tambalan noon nina Sheryl Cruz at Romnick Sarmenta. Nauwi rin kaya sa totohanan ang sweetness nila on-screen?
Matapos aminin ni Sheryl sa "Fast Talk with Boy Abunda" nitong Huwebes, na inalok siya ng kasal ni Anjo Yllana, tinanong din ng King of Talk kung nanligaw ba sa kaniya si Romnick.
BASAHIN: Sheryl Cruz, sinabing inalok siya ng kasal noon ni Anjo Yllana; pero bakit 'di sila nagkatuluyan?
Ayon kay Sheryl, batang-bata pa siya noon at hindi niya alam na sila ni Nikko (tawag niya kay Romnick) ang itinutulak na maging magka-love team.
Bagaman niligawan umano siya ni Romnick, hindi raw niya ito sineryoso dahil iba ang prayoridad niya noon.
"I cannot call it really like serious serious thing because for me my head wasn't about relationship. My head was really focused about finishing school, and not only finishing school but also moving on to become a solo actress that will be paired off with other leading men," paliwanag niya.
Kasunod nito ay tinanong naman ni Tito Boy ang aktres tungkol sa post na "Lovers in Istanbul" na may kasama siyang foreigner.
Unang ipinaliwanag ni Sheryl na kasama niya ang kaniyang pinsan nang mag-tour siya sa Turkey ay mga kasama sa trabaho ng kaniyang pinsan ang mga dayuhang kasama niya sa larawan.
“The caption that was actually misconstrued and misinterpreted, it took life of its own is ‘Bebe?im,’”kuwento ni Sheryl.
Ayon sa kaniya, hinikayat siya ng kaniyang pinsan na ang salitang ito ang kaniyang maging caption.
“Ang meaning pala ng ‘Bebe?im’ is ‘my baby’ or ‘babe,’” dagdag ni Sheryl.
May-ari ng isang travel agency ang kaniyang pinsan, kung saan nakakatrabaho nito ang mga lalaking taga-Turkey.
Esat daw ang pangalan ng lalaking kasama niya sa mga larawan.
“If there’s just a short visit to a place, I don’t want kasi to be in another whirlwind romance… [Turkey] is a very romantic place, a very beautiful place. But then, I’m there to enjoy and make friends,” ani Sheryl.
Paglilinaw niya, hindi niya ito nobyo.
“Esat is not a boyfriend. He is a good friend of mine,” sabi ni Sheryl. “There’s still a lot of things going through my mind kasi I’m already scared…”
Inusisa ni Tito Boy kung nasaang “stage” na sina Sheryl at ang kaibigan niyang foreigner.
“Papunta na roon siguro. But then I don’t want kasi to have another failure of a relationship. Siguro women my age who’s going at it for a second go in terms of relationship, it’s just a matter of, like companionship, partnership with mutual respect,” paliwanag niya.
Nag-file ng diborsyo noong 2008 si Sheryl at dati niyang mister na si Norman Bustos.--FRJ, GMA Integrated News
