“Nagkita po kami sa Korea. Nagpapa-picture po kasi, so nakapila kami. Tapos nu’ng nakita niya ako sabi niya, ‘Uy pinapanood ko ‘yung video mo sa Canada.’ Kasi po nag-Canada po ako,” sabi ni ni Euleen sa isang episode ng Fast Talk with Boy Abunda.
“Tapos sabi niya, ‘Dahil sa 'yo, lumakas din akong kumain,'" biro sa kaniya ng aktor dahil sa mga content ni Euleen na kumakain.
"Tapos ang dami pong places sa Korea na lagi kami pinagtatagpo. Lagi kaming nagkikita,” masaya pang sabi ng Tiktok celebrity. “Sabi ko na sa inyo, pang-Alden to eh!”
Inilahad ni Euleen ang paghanga kay Alden dahil sa kababaang-loob ng aktor na siya pang unang bumabati at lumalapit.
“Ang bait-bait po niya, kasi siya pa po ‘yung lumalapit tapos unang yumayakap. Sobrang bait po,” sabi ni Euleen tungkol kay Alden.
Matatandaang sinorpresa ni Alden ang fans nang mapanood siya sa Tiktok ni Euleen.
@euleenc Tinitigan ko ???? #pambansangyobab ? Marikit sa Dilim - Carl & Angela
Magkasama silang kumasa sa viral na “Marikit sa Dilim” dance challeng sa airport.
Nagbakasyon kamakailan si Alden sa South Korea, na regalo sa kaniya ng kaniyang supporters na Aldenatics.
Si Queenay Mercado na isa ring content creator na mula sa Batangas at nakasabay na guest ni Euleen sa Fast Talk, sinabing nais din niyang maka-collab sa kaniyang content si Alden.
“Si Alden!” mabilis na sagot ni Queenay nang tanungin kung sinong artista ang gusto niyang maka-collab.
Pagdating sa gustong maka-love team, tinukoy ni Queenay si Joshua Garcia na kaniyang showbiz crush, at kapuwa-Batangueno.-- FRJ, GMA Integrated News
