Sa pagkapanalo niya ng gintong medalya sa Tokyo 2020 Olympics, ilang malalapit sa buhay ni Hidilyn Diaz ang nagpaabot ng pagbati sa kaniya. Hindi niya rin niya napigilang mapaluha sa mensahe ng kaniyang "special someone."
Sa "Kapuso Mo, Jessica Soho," nakapanayam si Coach Julius Irvin Naranjo, na kasintahan at coach ni Hidilyn.
"You deserve this and you've put in so much work. You really did something that's unimaginable for the country and, I couldn't be any more proud," mensahe ni Coach Julius sa kaniyang kasintahan na weightlifter.
Ayon pa kay Coach Julius, gusto muna nilang sulitin ni Hidilyn ang kanilang oras sa isa't isa at mag-"live in the moment" matapos ang pagkapanalo ng atleta sa Olympics.
"I thank God that I met you and you became my boyfriend and you became my coach. It's hard to handle an elite athlete and at the same time, your friend who is so stubborn. But it's worth it, everything is worth it, and we had the gold medal," maiyak-iyak na sabi ni Hidilyn kay Coach Julius.
Sa kabila ng pagiging emosyonal, nagawa pa rin naman ni Hidilyn na makapagbiro nang banggitin niya na pakanta sa nobyo ang naging meme sa kaniya na, "I can lift, I can love."
Kabilang din sa bumati kay Hidilyn ang isang weightlifting family sa Melaka, Malaysia na kumupkop kina Hidilyn ng 10 buwan para makapag-ensayo siya dahil sa lockdown.
"To me and my wife, she is just like a daughter to us. The day before the competition in Olympics, I cannot sleep. Morning before she competed, I sent her a message, 'You focus!' This Olympics is for our daughter, my home, my family," sabi ni Ahmad Janius Abdullah, Deputy President ng Malaysian Weightlifting Federation.
"It's like we won the lottery," dagdag ni Janius.
Panoorin ang buong panayam kay Hidilyn at alamin ang mga sakrisyong ginawa niya para makamit ng bansa ang kauna-unahang medalyang ginto sa Olympic.
--FRJ, GMA News
