Mega-milyonaryo ang isang mananaya sa lotto nang solo niyang tamaan ang mahigit na P181-milyong jackpot prize sa Mega lotto 6/45 draw nitong Miyerkules, Mayo 26, 2021.
Sa website ng Philippine Charity Sweepstakes Office, nakasaad na isang mananaya lang ang nakakuha ng winning combination sa naturang draw na 23-43-29-32-36-04.
Umaabot ang premyo nito sa halagang P181,680,185.60.
Samantala, wala namang nanalo sa isang lotto draw na 6/55 na may winning combination na 22-31-49-54-02-37, at mahigit P29,700,000.00 ang premyo.
Nitong Martes, iniulat na isang messenger ang isa sa dalawang mananaya na tumama ng mahigit P55 milyon sa Ultra Lotto 6/58 draw noong Marso.
Nabili ng masuwerteng mananaya ang kaniyang winning ticket sa Las Piñas City. -- FRJ, GMA News
