Isang bagong silang na sanggol ang natagpuan sa taniman ng gabi sa Ragay, Camarines Sur nitong Biyernes ng umaga.
Natagpuan ang bata malapit sa riles ng tren sa Barangay GRS.
Ang sanggol ay may umbilical cord pa at iniwan sa ilalim ng ulan at malamig na lugar.
Masuwerteng hindi nakuha ng mga galang hayop ang sanggol.
Kaagad kinuha ng mga barangay officials ang sanggol na isang babae.
Malusog ang sanggol na nasa pangangalaga na ng Municipal Social Welfare and Development Office ng local government unit ng Ragay.
Inaalam na kung sino ang ina na nag-abandona sa sanggol. —KG, GMA Integrated News
