Sumemplang ang isang lasing umano na rider matapos niyang mabundol ang isang asong nakawala sa pagkakatali sa Ligao City, Albay. Ang aso, nasawi.
Sa ulat ng 24 Oras Weekend nitong Sabado, sinabing matapos ang insidente, nawalan ng malay ang rider, nabalian, at ilang araw nanatili sa ospital.
Bago ang insidente, lasing ang rider habang nakatali naman ang aso ngunit nakawala ito, base sa imbestigasyon ng barangay.
Nagkasundo ang rider at ang may-ari ng aso na magpaabot ng tulong-pinansyal para sa pagpapagamot. — Jamil Santos/VBL, GMA Integrated News
