Lumuwa ang isang mata ng isang rider matapos mabangga ng tricycle ang minamaneho niyang motorsiklo sa Bongao, Tawi-tawi.
Sa ulat ng GMA News 24 Oras Weekend nitong Sabado, sugatan din ang batang anak ng rider.
Ayon sa pulisya, sakay ng motorsiklo ang mag-anak at walang suot na helmet ang rider na tatay.
Parehong isinugod sa ospital ang mag-ama.
Sinabi naman ng saksi, na mabilis umano ang takbo ng tricycle at nawalan ito ng preno.
Pinaghahanap na ng mga awtoridad ang tumakas na driver ng tricycle. --FRJ, GMA Integrated News
