Nasawi ang isang lalaki na nanloob umano sa ginagawang mausoleo matapos siyang barilin ng bantay na kaniyang sinaksak sa Tayabas, Quezon.
Sa ulat ng Balitanghali nitong Miyerkoles, sinabi ng pulisya na nagising ang bantay ng mausoleo sa ginawang panloloob ng lalaki.
Sinaksak umano ng lalaki ang bantay, ngunit nakaganti ito gamit ang airgun.
Inaalam pa ang pagkakakilanlan ng nasawing lalaki.—Jamil Santos/AOL, GMA Integrated News
