Nahuli-cam ang panununtok ng tatlong barker sa isang konduktor ng modern jeepney sa Jaro, Iloilo City.
Sa ulat ng GMA News "Saksi"nitong Biyernes, makikita sa kuha ng dash camera na isang barker ang unang nakasuntukan ng konduktor.
Pero maya-maya pa, nakisuntok na rin sa konduktor ang dalawa pang barker.
Ayon sa kooperatiba ng mga modern jeep, posible umanng nagalit ang mga barker na ayaw na kumuha ng pasahero ang kanilang mga sasakyan sa naturang lugar.
Sasampahan umano ng reklamo ang kooperatiba ang tatlong barker na nanakit sa kanilang konduktor.-- FRJ, GMA Integrated News
