Nahuli-cam ang ginawang panununtok ng dalawang estudyante sa isa pang estudyanteng naglalakad sa Jasaan, Misamis Oriental.
Sa ulat ng GMA Regional TV One Western Visayas, na iniulat din ni James Agustin sa Unang Balita nitong Miyerkoles, mapapanood sa video na lumitaw ang dalawang estudyante, na bigla na lamang sinuntok ang biktima.
Tumakbo palayo ang mga suspek matapos ang panununtok.
Ayon sa imbestigasyon ng pulisya, maaaring kaso ito ng pambu-bully.
Inaalam pa kung mga miyembro ng gang ang mga nanuntok na estudyante, na nakilala na at inihabilin sa Municipal Social Welfare and Development Office. —Jamil Santos/LBG, GMA Integrated News
