Nasawi ang isang Philippine Drug Enforcement Agency (PDEA) agent nang mauwi sa engkuwentro ang isang buy-bust operation sa Mabalacat, Pampanga. Ang suspek, patay din nang gantihan ng putok ng mga awtoridad.
Sa ulat ni John Consulta sa “24 Oras Weekend,” sinabing naisugod pa sa ospital ang PDEA agent, pero idineklara itong dead on arrival.
Dead on the spot naman ang suspek sa engkuwentro nito sa mga tauhan ng PDEA Sabado ng umaga.
Nabawi ang droga at ang mga bala ng baril sa pinangyarihan ng engkuwentro.
Ipinagluluksa ng PDEA Region III ang pagkamatay ng PDEA agent. — Jamil Santos/VBL, GMA News
