Tinuklaw ng ahas ang isang bumbero na nagka-canyoneering sa Badian, Cebu.
Sa isang video ng GMA Regional TV Balitang Bisdak, na mapapanood sa ulat ng Saksi, makikita si Fire Senior Inspector Arvin Catipon na nakatayo sa may batuhan nang may kumagat sa kaniyang hinliliit bago siya tumalon.
Nabigla ang bumbero na isa pala itong ahas, pero naitaboy niya naman ito.
Isinugod sa ospital si Catipon at tinurukan ng anti-venom.
Maayos na ang kaniyang kondisyon samantalang inihabilin sa Department of Environment and Natural Resources (DENR) ang ahas. —Jamil Santos/LBG, GMA News
