Arestado ang isang lalaki matapos mang-snatch umano ng cellphone sa Mandaue City sa Cebu, ayon sa ulat ng Unang Balita mula sa GMA Regional TV Balitang Bisdak nitong Miyerkules.
Nagbibisikleta noon ang biktima nang hablutin ng suspek na si Rogelio Lipar ang cellphone nito.
Ang hindi alam ni Lipar, isa palang off-duty na pulis ang biktima. Kinilala siya na si Patrolman Sigfriend Yorpo.
Hindi na raw nakapalag si Lipar nang arestuhin ni Yorpo.
Nakuha mula sa suspek ang isang baril na may bala.
Hindi nagbigay ng pahayag si Lipar, na ngayon ay nakakulong na. —KBK, GMA News
