Isang kakaibang regalo ang natanggap ng isang bata sa Sibalom, Antique, para sa kaniyang ika-pitong kaarawan, ayon sa ulat ng Unang Balita mula sa GMA Regional TV One Western Visayas nitong Miyerkules.
Imbes na laruan at mga damit, kalabaw ang natanggap na regalo ni Prince Daniel mula sa kaniyang ama.
Ikinagulat at ikinatuwa naman ng birthday boy ang natanggap na regalo.
Binati rin si Prince ng kaniyang pamilya gamit ang kamatis na galing sa kanilang bukid. —KBK, GMA News
