Tatlo ang patay matapos araruhin ng oil tanker ang dalawang tricycle sa Mariveles, Bataan ayon sa ulat ni Jonathan Andal sa Unang Balita nitong Miyerkules.
Makikita sa CCTV ang dalawang tricycle na tumatakbo sa kalsada sa Mariverles ng bigla silang banggain ng isang oil tanker.
Sumadsad sa kalsada ang dalawang tricycle at tumilapon sa kalsada ang mga sakay nito. Nakaladkad pa ang isang biktima sa gitna ng kalsada.
Bumangga pa ang naturang tanker sa isang bahay.
Sa lakas ng pagkabangga ay nagkasira-sira ang dalawang tricycle.
Patuloy ang imbestigasyon sa naturang aksidente. —Sherylin Untalan/LBG, GMA News
