Nasawi ang isang driver ng tricycle at kaniyang asawa nang masalpok sila ng isang SUV sa Zarraga, Iloilo.
Sa ulat ni John Sala sa GMA Regional TV News nitong Lunes, kinilala ang mga nasawi na sina Elisio Anativo Jr at Maria Luisa Anativo.
Sugatan naman ang isang pa nilang kasama na si Jade Babao.
Ligtas naman ang driver ng SUV na si John Christoper Surmion, at ang kaniyang ina.
Ayon kay Surmion, bigla na lang lumipat ng linya ng kalsada sa bahagi ng Barangay Dawis Sur ang tricycle kaya niya ito nabangga.
Nawasak ang harapang bahagi ng SUV, habang tumilapon naman sa kalsada ang mga biktima.
Isinugod sila sa ospital pero hindi na umabot doon nang buhay ang mag-asawa.
Sa Barotac Nuevo sa Iloilo pa rin, nasawi naman ang isang 67-anyos na rider nang sumalpok siya sa isang bus.--FRJ, GMA News
