Umatake ang mga kawatan na "basag-kotse" ang modus sa Pampanga. Ang mga salarin, nakuha ang mga bag ng mga biktima na may lamang pera at mga importanteng gamit.
Sa ulat ng GMA News TV "QRT" nitong Miyerkules, sinabing isang insidente ng basag-kotse ay naganap sa Angeles City at tatlo naman sa San Fernando, na nangyari sa loob lang ng magdamag.
Sa Angeles City, nakuha ng kawatan sa binasag na salamin ng isang AUV ang isang mamahaling bag na mayroon bank book ng biktima at susi ng kotse.
Mga bag din na may lamang pera at mga ID ang nakuha sa insidente ng mga basag kotse sa San Fernando.
Patuloy pa ang imbestigasyon ng mga awtoridad at pangangalap ng CCTV para matukoy ang pagkakakilanlan ng mga salarin.--FRJ, GMA News
