Math Dance Challenge na pauso ng isang Engineer na taga-Tayabas sa Quezon province, nag-viral, ayon sa ulat ng Unang Balita.
Kung nahihirapan sa Math, idaan na nga lang sa sayaw, sabi ni Engineer Maeson Abella ng dance group na "ICONX FAM."
Kwento ng video uploader at handler ng naturang dance group, napakatuwaan ng grupo na mag-overnight swimming.
At naisip daw ni Maeson na sumayaw ng Math-inspired dance steps.
At due to insistent public demand, may group version na ang hashtag Math Dance Challenge.
Umabot na sa mahigit dalawang milyong view na ang video, dalawang araw lamang mula ito ay na-upload. Halos 100,000 shares ng video sa Facebook. — BAP, GMA News
