Nagsalita na si Maris Racal hinggil sa isyung kinasangkutan niya kasama si Anthony Jennings, kung saan humingi siya ng tawad sa kaniyang mga nagawa, ngunit iginiit na makailang ulit niyang tinanong ang aktor kung single ito at hiwalay na kay Jamela Villanueva.
Sa isang video statement na inilabas ng ABS-CBN News, sinabi ni Maris na "(I) will take accountability for everything."
"Nagkamali ako and I wanna say sorry for everything that I have done," sabi niya.
Kuwento ng aktres, nagsimula ang lahat nitong Hunyo kung saan siya ay "in a very dark place."
Malungkot daw siya noon ngunit binibigyan ng atensyon ni Anthony, "the kind of attention that I needed."
Kalaunan, unti-unti umanong nahulog ang damdamin nila ni Anthony sa isa't isa, kaya nadala siya sa kaniyang mga emosyon.
"And I knew that was wrong. I came clean right away," sabi niya.
"I told my ex everything, and I admitted things to him. And then we broke up," dagdag ni Maris, na tinutukoy si Rico Blanco.
Ayon kay Maris, masyado siyang naging emosyonal sa pag-anunsyo nila ng break up nila ni Rico dahil siya ay "holding back the truth."
"I wasn't really able to simmer down. I wasn't able to reflect on what had happened," paliwanag niya.
Matapos nito, sinabi ni Maris kay Anthony na nakipaghiwalay na siya kay Rico. Ganito rin umano ang sinabi sa kaniya ni Anthony, na nakipaghiwalay na ito kay Jamela Villanueva.
"I was working everyday, and sa lahat ng trabaho na 'yun kasama ko si Anthony. Aaminin ko, sa araw-araw na pagtatrabaho namin, nahulog din 'yung loob ko," pag-amin niya.
"He would be very sweet to me, he would be such a gentleman to me. He would say things to me, he would tease me on the set, in front of other people. He would tell all the people who were close to me that he was single," ayon pa kay Maris.
"So I was confident to act a certain way around him on the set. Because in the eyes of the people there, we were both single."
Kung kaya naman hindi niya alam na in a relationship pa si Anthony kay Jamela.
"I would ask him. God knows I asked him, 'Nagkabalikan ba kayo?' He said 'no.' 'Do you still love her?' He said 'no.' He would say things na ako ang gusto niya and all.'"
"I really asked him so many times," dagdag niya.
Dahil dito, hiniling niya kay Anthony na maglabas ng statement sa publiko tungkol sa hiwalayan nila ni Jamela, ngunit lumabas lamang ito noong nakaraang linggo.
"Kaya pala di siya makapag-release ng statement dahil sila pa pala this whole entire time. I didn't know. I was in the dark," saad ni Maris.
Inamin ni Maris na matapos isiwalat ni Jam ang screenshots ng mga usapan nila ni Anthony, sinabi niyang siya ay "truly, truly embarrassed na nakita ng mga tao 'yun without my consent, against my will."
"That's her side of the story, and there's nothing wrong with that. But this is my side."
Pumatok ang tandem nina Maris at Anthony bilang sina Irene at Snoop sa series na “Can’t Buy Me Love.”
Bahagi rin sila ng Metro Manila Film Festival entry na "And the Breadwinner Is..." na pinagbibidahan ni Vice Ganda. — BAP, GMA Integrated News
