Ikinuwento ni Bobby Andrews na nakilala niya ang kaniyang naging asawa na si Bienne Co sa kalagitnaan ng "TGIS," kung saan sikat ang tambalan nila ni Angelu De Leon.
Sa episode ng "Fast Talk with Boy Abunda" nitong Martes, nagpasalamat si Bobby na naging maunawain si Bienne sa love team nila ni Angelu.
"When I met Bienne, the love team was there, so it was all givens. And I'm very grateful naman na she accepted me for who I was," anang aktor.
"It was unfortunate na siyempre hindi kami puwedeng mag-date, hindi kami puwedeng makita sa labas. Naintindihan niya 'yon," dagdag pa niya.
Batid umano ni Bobby kung gaano ito kahirap para kay Bienne kahit hindi ito nagsasabi sa kaniya.
Sa kabila ng mainit na pagtanggap ng tao sa kanilang love team ni Angelu, nanatiling committed si Bobby kay Bienne na kaagad niyang pinakasalan nang mabuwag na ang kanilang tambalan ng aktres.
"Nung nasira 'yung love team, that was because Angelu got pregnant, so she had to leave the show, it was around that time also that I decided to get married," sabi ni Bobby.
Nagpakasal si Bobby sa kabila ng paalala ng kaniyang manager na makakaapekto ito sa kaniyang career.
"Because for me, well, there was success and there's a monetary equivalent that goes with that success, correct? But for me, happiness, you can only find once. So I chose to get married and start a family," ani Bobby.
"At the back of my mind, if my career has to suffer because of this, so be it," dagdag niya.
Nang tanungin si Bobby kung nakatanggap ng pamba-bash si Bienne, ayon sa aktor, hindi.
"Love, yes. Bashing, no," sabi ni Bobby. "'Cause during that time, medyo tumultuous 'yung what's happening with Angelu, what happened to me. So all the fans actually were both supporting our respective decisions," patuloy niya.
Bahagi ngayon si Bobby ng GMA Afternoon Prime series na "Lilet Matias: Attorney-At-Law," na napapanood pagkatapos ng "Abot-Kamay Na Pangarap." —FRJ, GMA Integrated News
