Nakatanggap si Claudine Barretto ng regalong sapatos mula kay Yasser Marta.
Sa kaniyang Instagram Reel, na makikita rin sa Unang Balita nitong Biyernes, makikita si Claudine sa kaniyang all-white outfit suot din ang bagong pares ng puting sneakers mula sa isang high-end brand.
Pinasalamatan ni Claudine si Yasser sa kaniyang caption.
"Super late thank you @itsyassermarta luv my rubber shoes."
Komento naman ni Yasser, "Bagay sayo" na may smiley face.
Spotted din ang Optimum Star na suot ang niregalong sapatos ni Yasser sa isang birthday celebration.
Nagkasama sina Claudine at Yasser sa Kapuso series na "Lovers & Liars" bilang sina Via at Caloy. — Jamil Santos/VBL, GMA Integrated News
