Inilahad ni Chanda Romero na nagkaroon sila ng “espesyal” na relasyon ng yumaong comedian at “openly gay” actor na si Bernardo Bernardo.
“That was different because I think looking back, that was very special, because ‘yun ang talagang I loved him as he was," sabi ni Chanda sa “Fast Talk with Boy Abunda” nitong Huwebes.
"It didn’t matter to me what his sexual preference was, but I loved him because it was him. I just loved the whole of him,” patuloy ng veteran actress.
Sinabi pa ni Chanda, na tinatawanan lang nila ni Bernardo ang setup ng kanilang relasyon.
“Minsan nga kapag sinasabi niya na, ‘Meron akong bagong crush diyan,’ ‘Hindi! Samahan kita, tingnan ko muna. Kailangan i-approve ko muna,” kuwento ng aktres.
Ayon kay Chanda, nakaramdam siya ng tunay na pagmamahal kay Bernardo at proud siya sa kanilang kakaibang relasyon, na isang bakla at isang babae.
“When Bernardo loved me, when we were together, it was one of the few times that I knew it was really love between the both of us. And it was taboo. We were just so unafraid and so proud of having found each other. We were both happy,” saad niya.
Ikinasal si Chanda noong 2013 sa kaniyang nobyo na si Jose Mari "Mayi" Alejandrino.
Pumanaw naman si Bernardo sa edad 73 noong 2018.
Napapanood ngayon si Chanda sa Kapuso drama action series na “Black Rider,” na pinagbibidahan ni Ruru Madrid.-- FRJ, GMA Integrated News
