Mariing nagbabala ang GMA Entertainment Group tungkol sa mga kumakalat na mga pekeng audition para sa "Encantadia Chronicles: Sang'gre."
"GMA Entertainment Group strongly warns the perpetrators who have been posting about the fake audition for 'Encantadia Chronicles: Sang’gre,'" saad nito sa kanilang opisyal na pahayag.
"These scammers are wrongfully using the name of GMA Network to ask for money and/or solicit private photos and information," dagdag pa nito.
Inabisuhan ng GMA Entertainment Group ang publiko na kasalukuyang walang nagaganap na audition para sa upcoming series.
Hinihikayat din ang mga nabiktima ng pekeng auditions na iulat ang mga ito sa mga awtoridad.
"All official announcements are posted on GMA’s official social media accounts," saad ng GMA Entertainment Group.
Samantala, balik na sa intense na wushu training sina Bianca Umali, Kelvin Miranda, at Faith Da Silva bilang paghahanda sa kanilang level-up fight scenes sa upcoming Kapuso epic series, ayon sa ulat ng Saksi.
Bago nito, sumabak na rin sila sa iba't ibang training noong nakaraang taon para sa mga gagawing fight scenes.
Kasama rin nila sa pagsasanay ang iba pang cast na sina Shuvee Etrata at Bianca Manalo.— Jamil Santos/VBL, GMA Integrated News
