Itinuturing ni Sharon Cuneta na isa sa mga "best movie" na ginawa niya ang "Family of Two" na pinagbibidahan nila ni Alden Richards, na itinuturing niyang anak.
Sa episode ng "Fast Talk with Boy Abunda" nitong Lunes, ilang ulit na sinabi ng Megastar na gustong-gusto niya nang gawin niya ang pelikula.
"I loved working on this movie, and I loved working with Alden and everybody," anang aktres.
Ayon kay Sharon, ang "Family of Two" ay kuwento ni Maricar (Sharon) na naging biyuda noong limang taong gulang pa lang si Mateo (Alden).
Ibinuhos ni Maricar ang kaniyang atensyon kay Mateo para kung "kailangan na niya hanapin yung kanyang landas, ano na ang mangyayari kay mama?"
Sinabi rin ng aktres na naging madali sa kaniya ang kaniyang role dahil isa siyang ina "four times over and because now I have a son," at dahil kay Alden.
"It was so easy to get into character because of Alden's role and because of Alden the person that I got to know," kuwento niya.
Muli ring inihayag ni Sharon ang magandang ugnayan nila ni Alden na nabuo habang ginagawa nila ang pelikula.
"He's really like my son," ani Sharon, na sinabing marami silang pagkakatulad ni Alden.
"The way we think, even what we're busy with, what we do outside of show business, like we both like real estate. We both like watching blackhead popping videos," kuwento ng aktres.
"Even my kids were saying, 'mama, parang Kuya Alden is more like your son, 'no?'" patuloy niya.
Inilarawan niya ang "Family of Two" na "very simple, beautiful and authentic."
Patuloy niya, "It's the kind of movie we need to see during these times, not just because it's Christmas but because w need something simple and heartwarming as this."
Mapapanood ang "Family of Two" sa mga sinehan sa Metro Manila Film Festival sa December 25. — FRJ, GMA Integrated News
