Nagluluksa ang cast ng “Friends” ang pagkamatay ng kanilang co-star at kaibigang si Matthew Perry, na sinabing “utterly devastated” sila sa pangyayari. Ang fans naman, naghandog ng tribute sa aktor.
"We were more than just cast mates. We are a family,” saad sa joint statement ng co-stars ni Matthew na sina Jennifer Aniston, Courteney Cox, Lisa Kudrow, Matt LeBlanc at David Schwimmer, na iniulat din ng Agence France-Presse.
"We are all so utterly devastated by the loss of Matthew. We were more than just cast mates. We are a family," ayon sa inilabas nilang pahayag.
"There is so much to say, but right now we're going to take a moment to grieve and process this unfathomable loss.”
Patuloy pa nila, "In time we will say more, as and when we are able. For now, our thoughts and our love are with Matty's family, his friends, and everyone who loved him around the world."
Sa ulat ng Balita Ko nitong Martes, sinabing nag-alay naman ng bulaklak at tributes ang fans sa tapat ng isang apartment building sa New York sa Amerika, kung saan ang façade ng building ang ginamit para sa hit TV sitcom.
Natagpuan ang 54-anyos na aktor na "nalunod" sa jacuzzi ng kaniyang bahay sa Los Angeles, California nitong Sabado.-- Jamil Santos/FRJ, GMA Integrated News
