Inihayag ni Mariel Padilla ang kaniyang mga nadiskubre sa sarili at kay Senator Robin Padilla ngayong mahigit isang dekada na silang kasal.
“I realized that when you get married, you get married because you’re in love. Mahal niyo ang isa’t isa, ‘yun ang magda-drive sa inyo na magpakasal. But to stay in the marriage, to be loyal and faithful in the marriage, you want to make that happen,” sabi ni Mariel sa “Fast Talk with Boy Abunda.”
“It’s a work, and you guys both make it happen that way, so that the marriage will last and continue,” pagpapatuloy niya.
Ayon kay Mariel, hindi lang nakabase ang buhay mag-asawa sa emosyon, kundi kailangan din itong pinagtatrabahuhan.
“Sa umpisa, totoo ‘yung butterflies and rainbows, ‘yung honeymoon. Matatapos ‘yun. But ‘yung everyday na mag-asawa kayo, that is a choice that you make,” anang actress-host.
Sinabi pa ni Mariel na hindi siya nakararamdam ng pressure mula sa kaniyang asawa.
“To tell you the truth, Robin doesn’t make it difficult for me. I wanna say nice things like na [I] can do this, na kaya [ko] pala, ganito pala ‘yon. But honestly speaking, Robin doesn’t make it difficult for me. I know that to many that’s difficult to believe because of how he was before. But I was so blessed because when I married him, ready na siya to really commit himself in the marriage,” paglalahad niya.
Ibinahagi rin ni Mariel ang katangiang kaniyang nakita kay Robin na hindi alam ng marami.
“Lalo na now, what I discovered about Robin, siya pala ‘yung fun one. Akala ko kasi ako ‘yung fun eh. You think ako ‘yung fun but no, Robin is the one who’s spontaneous, Robin is the one who will do whatever, kapag sinabi ng mga bata, ‘Okay let’s do this,’ si Robin pala ‘yung ganu’n, ako pala ‘yung ‘Stop doing that! Tama na ‘yan, kakakain lang niyan!’ Which I didn’t think na I will be,” ayon kay Mariel.
Ikinasal sina Mariel at Robin dalawang beses noong 2010. May dalawa silang anak, sina Gabriela at Isabella.-- FRJ, GMA Integrated News
