Rocco Nacino, promoted bilang 2nd Lt Reserve Force ng AFP

Proud si Rocco Nacino sa bago niyang responsibilidad matapos ma-promote bilang Second Lieutenant ng Reserve Force ng Armed Forces of the Philippines.

Sa kaniyang Instagram, sinabi ni Rocco na magsisilbi siyang Second Lieutenant ng Nurse Corps, Civil Military Affair Brigade ng AFP Reserve Command.

“Today I accepted the challenge of wearing a new hat, having new responsibilities, embarking on a new journey. This time with the AFP Reserve Command,” caption ni Rocco.

“Grateful for the many opportunities to serve our nation by using our influence for good, for hope, and to motivate,” pagpapatuloy pa ng Kapuso actor.

 

 

 

 

View this post on Instagram

 

 

 

 

 

 

 

 

 

 

 

A post shared by Rocco Nacino (@nacinorocco)

Sa ulat ng Unang Balita nitong Miyerkoles, sinabing present sa seremonya nitong Martes ang asawa niyang si Melissa Gohing, at kaniyang mga magulang.

Ayon kay Rocco, layon niyang maka-inspire ng mga kabataan na mag-enlist din sa military dahil malaki ang naitutulong nito lalo sa pagdidisiplina.

Dati ring Petty Officer ng Philippine Navy si Rocco. -- Jamil Santos/FRJ, GMA Integrated News