Nagpaligsahan ang dalawang babaeng malalapit kay Buboy Villar na sina Faith da Silva at Jelai Andres kung sino sa kanila ang tunay na nakakakilala sa komedyante.
Sa laro na “Who Knows Buboy Better?” ng YouLOL Exclusives, sinagot nina Jelai at Faith ang ilang katanungan tungkol kay Buboy, tulad ng kaniyang buong pangalan, kaarawan, height, paboritong kulay at pagkain, mannerism at marami pang iba.
Close sina Jelai at Buboy sa isa’t isa, kung saan inilahad ni Buboy na caring na tao si Jelai. Gayunman, nilinaw ni Buboy na "special friends" lang sila ni Jelai.
Si Faith naman, nakatambalan ni Buboy sa “All Out Sundays,” at sinabi noon na kinikilig siya kay Buboy.
Ang aktor naman, umamin ding crush niya si Faith.
Sino nga ba kina Faith at Jelai ang tunay na nakakakilala kay Buboy? Alamin sa video. —Jamil Santos/VBL, GMA Integrated News
