Taliwas sa ilang usap-usapan, nilinaw ni Bea Alonzo na hindi pa sila engaged ng kaniyang nobyong si Dominic Roque.
Sa ulat ng Unang Balita nitong Miyerkoles, nagsalita si Bea tungkol sa ilang romantic beach photos nila ni Dom.
“Picture ‘yon noong nagpunta kami sa Amanpulo, na akala ng mga tao na-engaged kami. Hindi, hindi pa po,” paglilinaw ni Bea.
Sinabi ni Bea na very happy sila ni Dom sa kanilang relasyon.
Sa ulat naman ng Saksi, sinabing last year pa ang bakasyon nina Bea at Dominic sa Amanpulo, at sadyang mahilig mag-post ng throwback photos ang aktor.
—Jamil Santos/VBL, GMA Integrated News
