"Legit ba idol bitoy?" Iyan ang tanong ng chef at video creator na si Ninong Ry nang makita ang larawan na ipinost ni Bitoy o Michael V sa Instagram na ginaya siya.
Sa Facebook page ng GMA News, sinabing ipinost ni Michael V ang naturang larawan sa kaniyang IG story na may caption na, “Kumusta mga inaanak?”
“Abangan sa #BubbleGang!” dagdag pa niya.
Ipinost naman ni Ninong Ry sa kaniyang FB account ang naturang larawan ni "Ninoy V," at nagtanong na, "Legit ba idol bitoy???? Naexcite ako!!!!!!! Michael V."
Tumugon din si Ninong Ry sa post ni Bitoy, “Aba ang tinde nito!!!” "
Mapapanood ang "Bubble Gang" tuwing Biyernes ng gabi sa GMA 7. --FRJ, GMA Integrated News
