Pinangunahan ni Marian Rivera ang Best Dressed List ng local fashion magazine na Preview.
Sa ulat ng Unang Balita nitong Biyernes, sinabing makikita ang grace at elegance ni Marian sa mga suot niya sa kaniyang mga engagement ngayong taon, mapa-casual event o pormal na okasyon, ayon sa magazine.
Si Marian ang cover girl ng December issue ng magazine.
"GMA's Primetime Queen likes to spice up her classic ensembles with a dash of playfulness, and there is never a dull fashion moment with her around," sabi ng Preview.
Pinusuan ng friends at followers ang glam shoot ni Kapuso Primetime Queen kung saan nakuha ang classic at timeless beauty ni Marian.
Samantala, pang-apat naman si Kyline Alcantara sa listahan, suot ang kaniyang Carolina Herrera ensemble.
"[I]nitially being dubbed as GMA-7's "La Nueva Kontrabida" juxtaposed her sweet demeanor in real life. Style-wise, the 20-year-old breathes zest into clothes and elevates threads with her charisma and wide-eyed energy," paglalarawan ng magazine tungkol kay Kyline.
—Jamil Santos/AOL, GMA Integrated News
