Pinusuan ng netizens ang "Need To Know" dance video na magkasama ang Korean hiphop artist na si Jay Park at ni James Reid.
Sa Chika Minute report ni Nelson Canlas sa 24 Oras Weekend nitong Sabado, sinabing mapapanood din ang kanilang sayaw sa bagong music video ni Jay Park.
Sa kasalukuyan, meron na itong higit 200,000 likes mula sa fans, na umaasang magkakaroon ng joint project ang dalawa.
Dati nang naka-collaboration ni Jay Park si James nang maging bahagi ang Korean singer sa Hello 2.0 music video ni James noong Marso. —LBG, GMA News
