Natupad na rin ang pangarap ni Jinri Park na makapagsuot ng wedding gown matapos ang ilang taon na paghihintay.
Sa kaniyang Instagram, makikita si Jinri na nakasuot ng puting strapless lace gown habang naka-blue suit naman ang asawa niyang si John, ayon sa ulat ng Unang Balita nitong Huwebes.
"A lot like love ?? Finally!!! After years of waiting I got to wear my wedding dress made especially for me by the great @junescario" caption ni Jinri.
"I didn’t get to do my wedding but this shoot will do and will forever cherish this moment?? So glad that my parents were here to join us as well!" dagdag ng actress-model.
Taong 2019 pa nagkaroon ng intimate Korean wedding ceremony sina Jinri at John.
Sa Australia na ngayon naninirahan sina Jinri at John. —LBG, GMA News
