Matapos masaksak sa loob ng kulungan, kinailangan ni Louie (Alden Richards) na masalinan ng dugo. At sa pagkakataon ito, muli siyang tutulungan ng kapuwa preso na si Mayor (Ricky Davao).
Sa teaser ng episode na mapapanood sa Huwebes ng gabi, makikita na nakaligtas sa kamatayan si Louie sa tulong ni Mayor na nag-donate ng kaniyang dugo.
Pero tila hindi nagkataon lang na magka-dugo sina Louie at Mayor, na simula pa lang nang makulong ang binata ay pinoprotektahan na niya.
"Nagpapasalamat po ako na pinoproteksyonan niyo ako dito, na tinutulungan nyo akong maging matatag. Ipinaramdam niyo po sa akin kung papaano magkaroon ng isang ama," sambit ni Louie kay Mayor habang nakaratay siya sa ospital.
Sabi naman ni Mayor, "Louie hindi lang ito nagkataon na pareho tayo ng dugo. Unang dating mo pa lang sa Bilibid, gusto ko nang umamin sa sa'yo."
Ano kaya ang aaminin ni Mayor kay Louie? Abangan 'yan ngayong gabi pagkatapos ng "I Left My Heart in Sorsogon" sa GMA Telebabad.
--FRJ, GMA News
