Isang nakaaantig na rendition ng "Happy Birthday" ang iniregalo ni Zia Dantes para sa kaniyang inang si Marian Rivera, na nagdiriwang ng ika-37 kaarawan.
Sa Chika Minute report ni Nelson Canlas sa GMA News "24 Oras," mapapanood ang special gift ng nakakakilig na rendition song ni Zia para sa kaniyang ina.
Bukod dito, nag-post din si Dingdong Dantes ng sweet picture nila ni Marian sa kanilang date night at double birthday celebration.
Makikita sa larawan ang dalawang birthday cake at may caption itong Agosto dahil matatandaang ipinagdiwang ni Dingdong ang kaniyang kaarawan noong Agosto 2.
Ilan sa mga malalapit na kaibigan din ni Marian ang nagpahatid ng pagbati sa kaniya tulad nina Ashley Ortega, Ana Feleo, at kaniyang BFF na si Boobay na may regalong paboritong mga tsokolate ni Marian.--Jamil Santos/FRJ, GMA News
