Inihayag ng Kapuso star na si Carla Abellana na hindi siya selosa. Nagbigay din siya ng payo tungkol sa pagtitiwala pagdating sa relasyon.
"Hindi ako selosa. Sinasabi ko 'yan sa lahat ng interviews ko when I get asked that question kung nagseselos ako or hindi, but really, honestly, truthfully hindi ako selosa," sabi ni Carla patungkol sa relasyon nila Tom Rodriguez sa kaniyang latest vlog entry.
"Number one, you shouldn't be kung wala namang basis 'di ba? Kung you trust your partner 100 percent," dagdag pa niya.
Pinayuhan niya ang kanilang followers na maging confident sa sarili at maging sa partner.
"Be confident in yourself. Be confident that your partner loves you, loves everything about you. There's nothing that will get in between that," sabi ng aktres.
Mahigit limang taon na ang relasyon nina Carla at Tom.
Sa nakaraang mga panayam, sinabi ni Carla na lalong tumatag ang relasyon nila ni Tom nitong panahon ng pandemic. — FRJ, GMA News
