Matapos ang ilang buwang pananatili ng “Wowowin” sa Wil Tower, muling nagbabalik ang programa at si Kuya Willie Revillame sa tahanan nitong Wowowin studio.
Isang enggrandeng opening number ang kanilang inihanda sa kanilang pagbabalik, para pa rin sa mga tumututok sa Wowowin sa kani-kanilang mga tahanan.
Hindi naman naiwasan ni Kuya Wil na maging emosyonal, dahil hindi pa rin pinahihintulutan ang studio audience alinsunod sa quarantine protocols ng gobyerno.
“Medyo nagiging emosyonal lang ako dahil pagbalik namin dito, dati nagsisigawan, ngayon walang tao. Medyo empty tayo, pero feeling ko andito pa rin kayo,” anang Wowowin host.
Panoorin ang pagbabalik ng “Wowowin” sa home studio nito sa Kapuso Network. – Jamil Santos/RC, GMA News
