Bukod sa kulitan sa "All-Out Sundays," nagkaroon ng aminan ang "StarStruck" Batch 1 member na sina Katrina Halili, Mark Herras, Yasmien Kurdi at Rainier Castillo.
Alamin sa segment na "Isumbong Mo Kay Bitoy" kung sino sa apat ang naiyak nang makaroon ng kissing scene sa ka-love team, hindi dumaan sa audition ng Starstruck at nag-perform sa final judgment nang walang suot na underwear?
Mayroon din sa kanila ang nagkaroon ng mahigit isang jowa sa kanilang batch at may isang palaging mayroon daw kaaway.
Kasabay nito, may payo rin sina Paolo Contis at Bitoy sa publiko matapos nilang mapansin ang pagdagsa ng tao sa labas at sa mall nang maging modified na ang enhanced community quarantine. Panootin.
--FRJ, GMA News
